حايرة واش نعطيه فرصة ولا لا ..

حايرة واش نعطيه فرصة ولا لا ..

انا بنت عندي ٢٠ سنة تعرفت على واحد شي عام دابا مهم كنا غاديين مزيان واخا فيه شي عيوب ماكنش كنتسوق بزاف لحقاش كنبغيه و حتى هو على حساب هدرتو و فعايلو و كان كايقولي بللي راه ناوي معايا المعقول زعما ماشي التفلية المهم موءخرا بديت كنشك بللي داير شي حاجة مورايا حتال واحد نهار كنت كالسة معاه و خديت الهاتف ديالو قلبتو منقلكمش ماكاين غير حبيبة، كبيدة …. و ماشي غير بنت وحدة ، بزاف دالبنات .

صافي تصدمت ما بقيت عارفة ماندير هو كيحلف و كيقولي بللي والله ما بيناتهم شي حاجة و بللي هاديك غير ضحك بيناتهم ولكن انا داكشي جرحني بزاف و ماتقبلتش الفكرة و هو باقي الحد الاَن كيعيط ليا و باغي يشرحليا و لكن مابغيتش نعطيه فرصة و انا دابا حايرة واش نعطيه فرصة و نخليه يشرح الموقف ديالو ولا لا عافاكوم عاونوني و نصحوني شنو ندير انا كنبغيه و ماقادراش ننساه .

شكرا و سمحوليا الى طولت عليكم .