وصفة فعالة للقضاء على الكلف والبقع البينة
وصفة فعالة للقضاء على الكلف والبقع البينة والنمش غلق المسام المفتوحة وان شاء الله لها نتائج رائعة في توحيد لون البشرة وتصفيتها اعطائها بريق واشراقة ونضارة جميلة ولكن بالمتابعة والاستمرار وهذا حسب نوع الكلف او البقع بمعنى تكون جديدة ما غاديش تاخذ معاك وقت كبير باش تزول والى كانت قديمة وهذا راجع لاهمالك لها ومع هاذ الوصفة عليك بمتابعتها الى ان تلاحظي الفرق والنتيجة عجيبة وفعالة كما اشرت وهي سهلة جدا فقط عليك بتتبع المراحل التالية:
تقومي بعملية سنفرة او كما نقول تقشير باش تساعدي البقع على الازالة ويتنقاوا وبالتدريج يتصفا الوجه ويرجع لون البشرة مشرق وفيه نضارة وصفاء مرة كل اسبوع غادي تاخذي:
معلقة الفول مطحون
ومعلقة البابونج مطحون
وحليب عادي باش تخلطي طبعا الفول والبابنوج مغربلين
تخلطي المواد وتعمليها على وجهك وتخليها حتى تيبس شوية وتبلي ايديك بالحليب وتبداي ديري حركات يعني تحكي وجهك بشوية وبالمهل حتى تحسي به رطاب و تغسلي وجهك وتنشفي من بعد:
دهنيه بزيت العود مزيااان وتخليه مدة ساعة حتى لساعة ونص حتى تشربوا البشرة
ومن بعد ديري القناع الجاي نهار ايه ونهار لا ولمدة شهر
غادي تلاحظي الفرق لكن بدون انقطاع ماشي اليوم ندير ونخلي شهر الجاي عاد نعاود ونقول ما خليت ما درت وهاذي هي العبارة الي تنقولوا ديما لكن الى وقفنا مع روسنا راه الاهمال ديالنا هو السبب باش البقع تكون وحتى الكلف من بعد الولادة خاص المرا تهتم وتعتني براسها قبل ما توغل البقع وتبقى شادة وقدما تاخرت في العلاج تتاخر في الازالة لكن مع هاذ القناع ان شاء الله تحاربيها بدون رجعة وتحصلي على صفاء ونقاء رائع والقناع هو كالتالي :
معلقة زيت اللوز المر
معلقة الحامض
معلقة دقيق الشعير
تخلطيهم مزيااااااااااااان وتعمليهم لوجهك وتركزي على البقع اكثر تخليها اكثر من ساعة وزيادة وتقدري تباتي بها حتى للصباح غادي تلاحظي فرق كبير وحتى الي ما عندهاش توحيد اللون من اول استعمال ان شاء الله يبان لك الفرق .
وفي الصباح تغسلي باش موالفة وديري الكريم المرطب اليومي والى كنت خارجة الواقي طبعا وبالصحة والراحة تبعي الوصفة الى ان يتم الشفاء ويبان لك وجهك تصقل وذيك الساعة نكون محتاجة لدعواتكم الطيبة لي ولكم بمثلها مسبقا ملاحظة الي بشرتها جافة تكسر عصير الحامض بمعلقة ماء معدني يعني معلقة عصير الحامض مع معلقة ماء معدني تخلطهم وتاخذ معلقة من هاذ الممزوج للقضاء على الكلف .
وهذه كانت وصفتنا الفعالة للقضاء على الكلف والبقع البينة من مجلة فاتنات جربيها و ردي علينا.
