cup cakes او مادلين صحي و مداق روعه
السلام عليكن و رحمة الله تعالى وبركاته
اليوم حبيت نشارك معكوم وصفه مادلين صحي عزيزه عندي من نهار جربتها مابقات خطاتني
كابكيك cup cakes او مادلين صحي و مداق رائع للاطفال لي متيبغيوش ياكلو لينا كلشي و غزال حتا للكبار
ممكن يتدار كاب كيك و ممكن يتدار كيك كبير المهم هو انو صحي بزاف و مداقو متشبعوش منو و الا جربتوه ماغاديش يبقا يخطاكم.
مقادير مادلين صحي
3 بيضات
كاس الا ربع سكر
نصف كاس زيت
جزره كبيره محكوكه
نصف تفاحه محكوكه
ملعقه زريعه الكتان
ملعقه قرفه
ملعقه بيكين صودا
ملعقتين خميره الحلوه
كاس دقيق الفورص
كاس دقيق القمح
زبيب، كركاع، لوز، شكلاط هادو اختياريين لي عندك و بغيتيه تزيديه فيهم مزيان
ڢاني نسيت ماصورتو هو الزيت
الخليط تيجي شويه عاقد و تقيل لكن ماتخافيش راها ملي تطيب تاتجي هشيشة فنه
جربوها اكيد غادي تعجبكم بزاف ان شاء الله
